[21 Grad] Hüt hemmer wieder emoll e Tour gmacht, womer´s abefahre vill meh gmerkt hend als e uefahre. Klar mosch zehrsch ue, dat chasch abe. Und jo: vo Ponte Tresa (mir sind churz, aber würkli nu churz im italienische Teil gsi: trostlos heruntergekommen) über Castelrotto und Bedigliora ue uf Novaggio gohts ue – und wie! Bloos sinds underschidlichi Stroosse, au nid befeschtigti – aber vo Novaggio abe uf Caslano merksch es denn scho i de Handglenk, vor luuter bremse.
(das ist wie gewohnt ein Film → click/touch the pic)
Mir sind denn scho am halbi drüü wieder in Agno gsi (mr sind schliesslich au am zeni losgfahre) und hend drum no e Schlaufe über, jo über! Montagnola gmacht. Jo Montagnola: Villene und z´mindescht en Cayenne. Wenn de Hesse nid wär!
