Hüt simmer zimli indirekt (d’Uusicht übers Tal vo de Magliasina is Malcantone isch fantastisch) uf Cademario ue gfahre – und well mr vo hinne und i dem Fall obe n´a Cademario aachoo sind, hemmer grad no wele uf en Alp ue, hend´s Vorhabe aber schnell abbroche. Im Dorf hemmer z´Mittag ggässe und sind denn zom Teil halsbrecherisch (mit de A chasch würkli fascht überall ue und au wieder abefahre) abe und zersch zonere Glassé gfahre. Well mr vill z´früeh draa gsi sind, simmer zersch no uf Gandria hindere (mit em Velo absolut nid empfälenswert), zrugg i d´Stadt, ue uf Montagnola, abe uf Arasio und am See nooh zrugg uf dem Campingplatz gfahre.
