Hüt hemmer wohrschinli Königsetappe gmacht – me isch z’hinderscht im Vall Colla immerhin uf knapp 1100 Meter obe. Do hinne wohned Lüüt, ich chamer aber sehr guet vorstelle, dases weniger Tessiner und vill meh Tüütschschwiizer sind.
Womer nochere herrliche Abfahrt wieder wieder z’Tesserete vorne gsi sind, hemmer nochere Glace (nid usem COOP, nid vom Denner und nid usem Migros, sondern useme Kiosk) bschlosse, mr fahrid no über de San Clemente und de San Bernardo. Da isch en eigentliche Kunschtweg (Art in Bosco), wo sid e par Johr am Entstehe n’isch.
De Blick vo Bogno uf Signora dure isch einzigartig.
Wennt mit em Finger ufs Bild tippsch, chasch d’Diashow vo Hand stüüre.
