Da isch etz vermuetlich di überraschendschti Tour gsi, womer gmacht hend. Zehrsch simmer uf de italienische, und denn churz uf de schwiizer Siite uf Luino gfahre. Uf de Strooss, aber praktisch kan Verchehr. Z’Luino hemmer e Pause gmacht und hend debii i de promenierende Lüüt i d’Nase ue glueget.
Denn simmer alles de Margorabbia nooh ufeme teerte, lauschige Radweg bis uf Ferrera und döt uf de SP30 praktisch elaage bis wiit obe n’a Lavena gfahre.
De Radweg uf Lavena abe (blau iizeichnet) isch entweder e Meischterleischting i Sache Durchsetzings-Vermöge vomene veloverruckte Gmeindspresident – oder e gueti Idee gsi, es Trassee vomene ehemalige Bähnli inen Veloweg omz’wandle.
Mr hend denn no probiert, om de Monte Caslano ome z’fahre – aber no probiert. De Wanderweg isch 1. für Velo gar nid zuegglo, 2. hettemer vill zvill Lüüt gschtöört, wo aanschiinend amene schöne Sunntig om de Hoger ome laufed – und 3. sind scho am Aafang Stägene choo.
Mr sind denn e chli früeh dihaam gsi, hend im Noochber mit em Strom gholfe und hend wele mit em Bähnli uf Lugano fahre, hends aber grad ume Minute verpasst und hend drum dihaam z’Nacht ggässe.