ROADSTER

Zersch in C&A wege Stoff und denn i d’Karstadt wege ? und denn uf Rielasinge wege ? und über Hofenacker be eklig chaltem Gegewind haam. 28km

Nochem Friedhof hemmer gsäh, dass es überem und hinderem Hohetwiel schiffet – und be de Gasstation sind die schwarze Wulche bedrohlich über üüs gsi. Mr sind drom schleunigscht rechts weg und irgend wie zom Waldfriedhof choo. Döt häts Richting Oschte ziemli guet uus gsäh, mr sind aber trotzdem obe n’a de Cementi ganz e bitzli nass worde. 32 ziemli chalti km.

Zersch simmer uf Herblinge zonere Apotheegg und denn zom Joos gfahre, zomen Termin für mini Übersetzing abmache. Zom Schluss simmer no nass worde – zo de Chelti here! 36km

Mir sind ufem direkte Weg und früchte-schonend zersch uf Neuhuuse und denn über de Schmerlet, (wo’s Flüügerfescht en Huuffe Lüüt aazoge het und womer ufeme Benkli bem Neukomm z’Mittag ggässe hend) uf Wilchinge gfahre und hend a beide Orte Zwetschge glieferet. Nochere Glace hani de Ernst gfrööget, wöfel Ziit dass sei – und so simmer am halbi Vieri nid direkt, sondern uf Wiischbel (Weisweil) abe und denn es Bachtobel und ehemalige Schmugglerpfad duruf bis zom Hofguet Albführe ue gfahre (di blau Linie im Biitragsbild zaaget d’Ufzeichning über GPS, di rot de tatsächlich gfahre Weg (zwüsched Baltersweil und Jestette hemmer offesichtlich ka GPS Verbinding gha). E grandiosi und super-schöni Aalag (stinkt e chli noch Geld). Noch Albführe, bevors uf Baltersweil abe goht, het me e fantastischi Uussicht. Noch Baltersweil hemmer en wunderbare Weg abe is Tal gfunde. Ueber Jestette, Neuhuuse und Schafuuse (miteme churze Zwüschedhalt ufem Froni, zom de Lüüt i d’Naselöcher ueluege) simmer noch 62km wieder dihaam gsi.

Der nachfolgende Audioplayer setzt 2 .js-Dateien voraus: 1 als Link zu ▸ cdnjs.cloudflare.com und 1 auf dem ▸ Server. Beide Script Links befinden sich am Schluss dieses Berichts (nur im Quelltext sehbar!). Die Audiodatei befindet sich auf dem Server (https://thaynger.ch/audio/7.9.24.mp3).

Mir hend eigentlich nur d’Ring für d’Iimachgläser, wo nid passed, be Iseli & Albrecht zrugg pproocht. Mir sind mehrheitlich i de Sunne gfahre: de Summer isch zwor nonid verbii, aber nümme so heiss. 56km

Bem filme vo de Flugstaffle über Dörflinge (de Himmel isch tatsächlich so uhni Töötli blau gsi) han i ufem Bildschirm absolut nüüt gsäh, well d’Sunn so bblent hät – und die Combo am Schwoobetor-Fäscht hett i im Nochhinein besser vill länger ufgnoh.

Mr hend de Frau M Zwetschge pproocht und im Baumärkt nocheme Tächli für d’Wärmepumpi resp. de Buick verusse umeglueget. Und susch simmer fliissig am Zwetschge abe too. 54km

Irgendwann musste ich mich entscheiden – entweder für nach Konstanz fahren, shoppen, z’Nachtessen und mit dem Zug nach Hause (oder mind. ein Stück), oder wenden und dem Wetter zuliebe velofahren. Klar, dass das zum Schluss dann so 90km sein werden. Eine herrliche Tour zu 80% im kühlen Wald.

Z’Mittag ggässe hemmer ufem Rossberg be de super-schöne Forsthütte «Baptist Kolb Hütte» – ka Ahning, wer de gsi isch. Spööter hemmer quasi gegenüber de Portugieserhof, mi absolut Wunschobjekt gsäh. De ghöört aber im Douglas uf Schloss Langestei – und doo isch sicher nüüt z’mache. Zom Schluss simmer no im «Dorf» (z’Singe) go ne Glace schnappe (s’isch eifach würkli wahnsinnig heiss gsi) – und noch 67km simmer wieder dihaam gsi.

Z’Mittag ggässe hemmer z’Stei am Rhy. Nochher simmer über d’Chämihütte uf de Stammerberg ue und meh oder weniger grad und ebenuus bis über Chalchere (zom Klangweg gfahre. Döt hemmer en Spitz gmacht und sind zom Schloss Steinegg führe gfahre. Da wüürt immer no, gfüehlt noch Johre, renoviert. Zwüsched em Nussbommer-, em Hüttwiler- und em Hasesee hemmer i de Burgruine Helfeberg en Bsuech abgstattet. Noch Uerschhuuse hemmer z’Wile (be Nüüfere) uf de Charte gsääh, da d’Kantonsgrenze TG-ZH z’mitts dur’s Dorf duure goht. Zahled etz die einte im Thurgau und die andere im Kanton Züri Stüüre? Über Waltalinge, Guntalinge und Basadinge simmer noch 65km wieder dihaam gsi.

Die wunderbare Auffahrt kurz nach Welschingen Richtung Denklehof dauerte und dauerte so lange, dass ich irgendwann bezweifelte, dass wir in Weil landen werden. Und richtig: auf einem Bänkli genossen wir Apfel und Aussicht auf Watterdingen und weit darüber hinaus (resp. hinauf). Wir fuhren später doch noch durch’s paradiesische Weil. «Die Ruhe täuscht» meinte eine junge Mutter, die mit ihren Kindern unterwegs war: «Samstag/Sonntag und an den Abend stören die Töff’s schon – obwohl ihr Mann auch …». Die Schussfahrt runter nach Blumenfeld ist verdient und der Rebweg runter nach Beuron genüsslich. 41km