Vo Guntmadinge und Beringe her simmer im Turbo zersch es Lieblosetal und denn d´Häglisteig no vill meh duruf is Hägliloh uegfahre. Es isch sagehaft schöö döt obe. Wiiter uf de Staag vorne hät me en meh als uugwohnte, wunderbare Blick uf Hemedall abe.
Z´Hemedall unne simmer zmittsd im Dorf links abboge und uf em nöchschte Weg, da haasst wieder steil duruf in Chrüzweg uegfahre – we scho d´Häglisteig duruf alles im Turbo. Vo döt simmer dur d´Säckelhau und über Buechberghütte uf Merishuuse abgfahre.
Zom 3. Moll im Turbo simmer es Chörblitobel duruf is Ferieheim ue – und vo döt über de Reiathof uf Opfertshofe abe und über Bibere haam gfahre.
Super schöni 50km, quasi als Verdauingsfahrt nocheme super guete z´Mittag.