Mir sind alls mehr oder weniger de Wigger resp. am Schluss no a de Luthere noo bis Schötz, hend döt ufeme Pausebänkli z’Mittag ggässe und sind denn ue uf Ebersecke an Seilziehwettstriit. Döt hemmer au erfahre, da d’Eberseckemer schon drüü Moll Weltmeister worde sind, es letscht Moll 2023. Uf Altbüüre abe ischs e richtigi Tremola, mir sind aber nur de erscht Teil gfahre und denn schnell rechts weg wieder an Schatte. Über Roggiswil, Pfaffnau (noch Pfaffnau rechts weg und duruf, bis damer zonere Chuweid cho sind, womer eigentlich hend wele überquere. Wo die Viecher aber cho sind, hemmer Angscht überchoo und sind schnell de Hoger ab und underme Hag dure gflüchtet) und Vordemwald simmer uf Zofinge go ne Glace esse und endlich noch 61 km wieder ufem Campingplatz gsi, womer nochem Tusche i de Cmapingbeiz en gmischte Saloot ggässe hend.
Passhöhe Ebersecken - Altbüron
