Z´Volkertshuuse simmer ane Früehlingsfäscht ggroote, sind aber trotzdem wiiter gfahre und hend z´Aach a de Aach z´Mittag ggässe. Denn simmer es hoch-attraktiv Wasserburgertal bis fascht uf Honstetten ue, denn scharf links ab no wiiter ue uf Bittelbrunn ue – und endlich, am Bruedertal verbii uf Enge abe gfahre. Noch Anselfinge, ufem steile Weg zom Hewen n´ue hemmer denn no zwee Manne aatroffe. An von dene zwee het churz, aber heftig Polizischt gspillt.
