Hüt e Morge hät d´Forschtverwalting Thayngen 6 Ster Schiitli pproocht. Woner mit em groosse Kipper cho isch, hani natürli grad a d´Buebe tenkt und es Uuslähre gfilmet. A hät denn scho moll aagfange versorge, währed demm ich de Chuchitisch abegschliffe ha. Noch em z´Mittagesse simmer denn ufs Velo ueghocket. D´Stei am Rhy hemmer ufeme Benkli statt eme Öpfel Birestückli, womer vo de Ruth übercho hend, ggässe. Am Wolkestaanerberg simmer a de Sandsteihöhlene vorbii gfahre (und e Stückli vorbii ggloffe).
Hüt hemmer s´Gfüehl gha, mr seied meh abe- als uegfahre. Cha natürli nid sii – well mosch jo zersch ue, bevor dat chasch abe – oder nid? Es hät denn gliich no 46km ggeh.