Hüt hemmer üüsne Roadster aa Moll meh alli Ehr erwiese und sind mehr oder weniger ue und abe gfahre. Aber de Reihe nooh. Zersch han i z´Büsslinge an aaghaue, wo de Bahnhof vom Randebähnli Singen-Büsslingen gsi sei. Jaa, da sei nu bis Beuron gfahre, sie heied früehner zersch möse döt here laufe (alleg e halb Stund – also we mir früehner uf Siblinge ue uf StSS). Mir hend eigentlich gwüsst vo dem Bahnhof, wo hüt en statt dem en Schopf stooht. Mir sind denn ufem ehemalige Trasse bis Binninge und döt uf de wunderbare, alte Strooss Richting Welschinge, aber no bis Seeweiler gfahre, und het döt windgschützt ufeme Bänkli z´Mittag ggässe (und hetted eigentlich grad chöne döt bliibe bis zobed).
Und denn gohts duruf und duruf und duruf – bis uf d´Hööchi über Watterdinge. Noch Watterdinge simmer über de Balleberg zom Französisch Hölzli gfahre.
Döt hend anno 1800 100´000 Maa, die aante vo Öscht- und die andere vo Franriich gegenenand kriegerlet – und die meischte natürli s´Läbe gglooh.
Z´Weiterdinge hemmer zersch de Goethe aatroffe:
und denn hemmer üüs aa Moll meh gfrööget, woroms die Seilbahn vo Mühlhausen über de Mägdeberg bis an Stoffel here nid für Personentransport ggänderet hend. Da wär hüt en echti Sensation.
Über Homboll simmer denn uf Hilzinge abe und es letscht Moll drüber dure uf Gottmadinge und haam gfahre.
Isch echt en super Velotour gsi (50km, vill Höhemeter)