Menggsmoll momes halt provoziere – au weme waass, da’s eigentlich nüüt nützt. Uf jede Fall simmer am halbi drüü ufs Velo ghocket, s’het grad aagfange fieserle und üüs isch nüüt anders übrig blibe, als z’probiere, schneller als es Wetter z’sii. Z’Ramse han i mi möse entscheide, öb Richting Radolfzell und Konstanz, und allefalls mit em Zug zrugg – oder Richting Bibermühli und am Rhy noo durab und immer velofahre. So schlecht hets bis churz vor de Gailinger Badi gar nid uus gsäh. Döt simmer aber rechtziitig unders Dach – und scho hets abelooh was mag. Mr hend denn chli gwartet, es Regezüüg aaglaat und be Dauerrege haam gfahre. So nass simmer aber gar nid gsi. 30km
