72km sinds, weme bis uf Ponte Brolla dur de wunderschöni Maggia Park und denn ufem würkli super-gmachte Radweg bis uf Cavergno ue – und natürli wieder zrugg fahrt und no e Schlaufe über Ascona macht. Etz isch nur no da churz Stuck vo resp. noch Someo bis vor Riveo, wome mo a de Strooss noo fahre – aber susch würkli perfekt gmacht. Z´Cavergno hemmer nur ganz churz probiert, is ▸ Val Bavona ie z´fahre – und ▸ z´Cevio (isch würkli e schöö Dorf) desgliiche Richting Bosco Gurin. Womer aber nooh glueget hend, we hoch (1500 müM) da da isch, hemmer grad wieder rechts um kehrt gmacht.
Mr sind denn we aalt Lüüt z´Ascona no chli ghöcklet.
zersch isch si gar nümme gfahre, und denn 800km miteme Ersatzvelo. Irgendwo zwüsched Cevio und Bignasco hät si grüeft: «halt moll aa». Isch würkli e schööni Zahl, so noch 2 Johr.