Hüt simmer mit de Absicht Gächlinge und Wilchinge a d´Herbstfäschter losgfahre, sind im Hohlebaum (Schaffhuuse) hinne vo de Toggeburger überholt (die im Auto 😎) und grad zomene Tee iiglade worde. Und denn simmer d´Lahnhalde duruf und über d´Blooshalde und Hägliloo bis in Siblinger ue und es Lieblosetal ab uf Beringe abe, denn uf Guntmadinge dure und uf de Häming ue und Richting Neuhuuse, hend üüs aber verfahre und sind irgend wenn moll wieder uf Beringe abe choo. A het gmaant, es sei halbi 5-i und mir möngid haam (wel mr no Bsuech heied) und sind uf em direkte Weg haam gfahre. Am Bahnhof Thaynge isches denn Viertel ab 4-i gsi. Sovill zom richtig z´Ziit abläse. 56km eigentlich no ue und abe.