De schwarz Staa hemmer links und de blau Staa rechts liege loh. Und so simmer uf Riedöschingen abe cho und alls de Bahn nooh (Richting Geisingen – aber fahrt do no ahni?) bis zomene 4.Klass-Ströössli Richting Tenge, wos Verkehr gha hät we gstöört. Mr sind denn glii links weg und alls duruf bis zo de 3 Chrüüz. Wells z´Tenge so ne schöös Gegeliecht gha hät, hani schnell möse aahalte. Z´Büsslinge simmer links weg und im Tourbo mit 25km/h uf Schlatt uegfahre. Dihaam hemmer 48km ufem Tacho gha. Es isch super gsi, zom Schluss aber scho chli chalt worde.
