Es isch en grandiose Nomittag gsi – fascht we im September. Zersch hemmer de HUB gsäh. Nid bem Velo-, sondern bem z´Acker fahre. Zwoo Stund spööter hemmer ufeme sunnige Bänkli en Öpfel ggässe und is Stammertal abge glueged, als öbmer aalti Lüüt wäred. Denn hemmer no an aatroffe, wo chli de Schnörripfluterie gha hät. Und z´Letscht hemmer tenkt, damer scho glücklichi Lüüt sind, wo a somene Tag chönd Velofahre – und nid mönd ine Auto iehocke und umenand stresse.
