Geschter simmer über Diessehofe, Schlattinge, Stamme, Uerschhuuse, Buech und Warth uf Frauefeld gfahre (35km), hend de Ford Rimor aaglueget und sind über Wiinige, Hüttwiile, Schloss Steinegg (döt hemmer en Rielasinger mit eme wunderschöne eVelo mit schwachem Motor aatroffe), Eschenz, Stei am Rhy und Ramsen wieder haam gfahre (wieder genau 35km, obwohl mr e ganz anderi Strecki gfahre sind!).
Hüt gömmer z’Thäinge bem Bührer unne de (▸ETRUSCO CV 540 DB ICONIC LINE COMPLETE SELECTION 2,2 DIESEL 8G-AUTOMAT FIAT DUCATO) go aaluege. De wär vorallem für d’A ideal (chliiner wär da, womer sid 40 Johr hend), isch eifach nur de Priis, wo nid stimmt. Isch en Direktimport und gegenüber em Liischtepriis vill z’tüür. Wohrschinli leget mr da Projekt denn vorerst ufs Iis.
