Hüt isch e grandiosi Tour gsi. Und well mr am Dunnschtig haam gönd, chönds sogar d’Königsetappe gsi sii. I d’Schoggifabrik simmer nid, wells 5 Stutz Iitritt choscht. Vo Ponte Tresa bis as End vo Lavena simmer alles direkt am See nooh gfahre, bevor mr uf de Bahn- Trasse vom ehemalige Bähnli «Ferrovia della Valganna» (siehe auch ▸ 24.9.24) uf Marchirolo uegfahre sind. Noch em z’Mittagesse simmer über Viconago ufeme vergessene (für Autos gesperrt) teerte Strössli uf Avigno und a d’Landesgrenze gfahre. Vo döt aa simmer direkt ufeme schmale und holprige Wegli direkt a de Tresa nooh bis Madonna del Piano – und denn churz duruf und ufeme sunnige Panorama- Quartier-Ströössli uf Pura und denn abe über Magliaso haam gfahre. 42 km.
