Mir sind abem hindere Mühlital wieder emoll es schier endlosi Orseretal duruf gfahre. Ich has schattiger in Erinnering gha – dank em relativ chüehle Wind isch’s aber no ganz aagnehm gsi. Nid ganz obe simmer denn links ab zum Chlosterfeld ue. Vilicht isch’s de Felix gsi, wo grad am Trösche gsi isch. Mr sind denn, rot iizeichnet, aa moll meh zersch inene Uusläufer iegfahre, bis damer uf de Charte nooglueget hend, dass es tatsächlich en Uusläufer isch. Benere herrschaftliche Waldhütte hemmer en churze Halt gmacht und sind denn bis zom Chrüüzweg ue und denn rechts weg übers Buechberghuus uf Merishuuse abe und enne grad wieder ue zom Ferieheim, womer Aani miteme Microlino (BMW Isetta) aatroffe hend, wo im Ferieheim het wele go öppis trinke. Mr hend si denn spööter gsääh dur Opfertshofe dure fahre.
45km
