Zwingend ischs eigentlich nid gsi, schöö aber trotzdem, wieder emoll ufem Velo z’hocke. Z’Singe isch Fasnacht gsi. Sovill Fasnächtler hemmer scho lang nümme gsääh. Bem FXRuch hemmer eigentlich wele go Häähne aaluege, de het aber scho zue gha. Denn simmer vergäbe zom Rofu (d’Annabeth het gar kan Mwst-Zeddel gha! Noch Arle simmer Richting Chroobach ue. Öppe uf 650 MüM, churz vor d’obe, hemmer unne a de Tremola möse ufgeh: z’dreckig, wohrschinli mit üüsne Velo au gar nid machbar. Also wieder sorgfältig abe und über Ramse und Gottmadinge haam. 38 km
