Hüt ischen ussergwöhnliche Tag gsi – aagfange hät er aber ganz normal. Mir sind über Singen, Friedingen noch Steisslingen und vo döt über de Hoger dure uf Wahlwies gfahre. Döt hemmer (hani ☺️) nid so recht gwüsst – uf all Fäll simmer über de Espasinger Berg uf Espasingen und vo döt mit Maximal-Gschwindigkeit uf Wahwies zrugg gfahre, womer gliichziitig mit em Zügli iigfahre sind und no no hend chöne iistiige.
Z´Radolfzell hemmer grad Aaschluss gha. De Annabeth hets in Zug ieglanget, mir nümme. So bini denn über d´Bahnhöf Rickelshausen-Singen-Industrie-Singen-Hbf mit dem Velo haamgfahre und froh gsi, woni gsä ha, da d´Annabeth scho dihaam isch.
De Nomittag, wo eigentlich ersch am drüü aagfange hät, hät denn gliich no 79km ergeh – au, weli, chuum «dihaam», grad nomoll ufs Velo ueghocket und uf Schaffhuuse gfahre bi – söll niemert frööge worum.
Erstuunlich!
Vo dene 79km bini us verschiedene Gründ mindeschtens d´Helfti EMTB oder TURBO gfahre – und churz vorem endgültige Haamcho häts von zwei uf aa Strichli gwechslet.